Kokshetau shahridagi “Burabay Arena”da o‘tkazilgan mazkur uchrashuvning asosiy vaqti hamda overtaym 2:2 hisobidagi durang bilan yakunlandi. Bullitlar seriyasida esa “Humo” jamoasi g‘alaba qozondi.
Shu tariqa, poytaxtimiz klubi safarda musobaqa peshqadamini 2:3 hisobida yengdi.
Ma’lumot uchun, “Humo” xokkey klubi muntazam chempionatda 75 ochko bilan ikkinchi pog‘onada bormoqda. Endi “Humo” navbatdagi ikki o‘yinini Toshkentda o‘tkazadi.
Dastlab, 7-fevral kuni “Humo Arena” majmuasida “Nomad”ga qarshi bahs olib borsa, 9-fevral kuni “Aktobe”ni sinovdan o‘tkazadi.
