O‘zbekistonlik taniqli UFC jangchisi Nursulton Ro‘ziboyev o'zbekistonliklarni Qozog‘iston OCTAGON ligasida ishtirok etishdan bosh tortishga ommaviy chaqirdi, deb yozadi Sportnews.kz.
Bu haqda u Instagram ijtimoiy tarmog‘idagi jonli efirda aytib o‘tdi. Bunga o‘zbekistonlik jangchi Odilxon Kamolov va qozog‘istonlik jangchi Erkebulan To‘qtar o‘rtasidagi janjal sabab bo‘lgan.
Eslatib o‘tamiz, Olmaotada bo‘lib o‘tgan OCTAGON jangchilari konferensiyasi oldidan To‘qtar Kamolovning yuziga kutilmagan shapaloq urgan va bu jangchilar jamoasida rezonansga sabab bo‘lgan edi. O‘z navbatida, tojikistonlik jangchi Qamariddin “Komil karate” Hasanov bu voqea To‘qtar va Kamolov o‘rtasidagi uchinchi jang oldidan PR uchun rejalashtirilganligini aytdi.
OCTAGON tashkiloti bunga keskin munosabat bildirdi: Erkebulan To‘qtar va Odilxon Kamolov 6 oyga jangdan chetlashtirildi.
