Professional boksning birinchi yarim o‘rta vazn toifasida faoliyat olib borayotgan Shohjahon Ergashev navbatdagi jangini 15 fevral kuni o‘tkazadi. Bu haqda u Instagram sahifasi orqali ma’lum qildi.
Manbaga ko‘ra, o‘zbekistonlik bokschi navbatdagi jangini 15 fevral kuni Farg‘ona viloyatida bo‘lib o‘tishi rejalashtirilgan boks oqshomida o‘tkazmoqchi. Ammo hozircha Farg‘onada boks oqshomi o‘tkazilishi haqida aniq tafsilotlar yo‘q.
Ma’lumot o‘rnida, Shohjahon Ergashev profboksda 26 ta jang o‘tkazib, 24 ta g‘alaba va 2 ta mag‘lubiyat qayd etgan. Ergashev oxirgi jangini 2024 yilning 27 iyulida Xulian Smitga qarshi o‘tkazgan va ochkolar hisobiga ko‘ra mag‘lub bo‘lgan edi.
