Birinchi yarimo‘rta vazn toifasidagi profesional bokschimiz Shohjahon Ergashev navbatdagi jangi bo‘yicha tafsilotlarni ochiqladi.
"Mashg‘ulotlarni davom ettiryapman. Tayyorgarlik ko‘ryapmiz. Yanvar oyining oxiri yoki fevral oyi boshida jang qilamiz", dedi 33 yoshli Ergashev.
Maʼlumot uchun, IBF kamari uchun sobiq daʼvogar charm qo‘lqop ustamiz shu kunga qadar professional faoliyati davomida 26 ta jang o‘tkazib, 24 ta g‘alaba (21 ta KO) va 2 mag‘lubiyat qayd etgan. U so‘nggi jangini 2024 yilning iyul oyida amerikalik Julian Smitga qarshi o‘tkazib, ochkolar hisobiga ko‘ra mag‘lub bo‘lgandi.
