Ayni kunlarda Avstraliyaning Adelaida shahrida para velosportning shosse yo‘nalishi bo‘yicha Jahon kubogi 1-turi bo‘lib o‘tmoqda.
Quvonarlisi, unda ishtirok etayotgan terma jamoamiz a'zosi Fotima Soipova ayollar o‘rtasida T1 klassida bo‘lgan bahsda kuchli uchlikdan joy oldi va bronza medaliga sazovor bo‘ldi.
Qayd etish lozimki, bu O‘zbekiston para velosporti tarixida Jahon kubogida qo‘lga kiritilgan birinchi medal hisoblanadi. Vakilimiz shuningdek ushbu natijasi orqali Parij-2024 yozgi Paralimpiya o‘yinlari yo‘llanmasi uchun muhim reyting ochkolariga ham ega bo‘ldi.
