Oʻzbekiston Milliy paralimpiya qoʻmitasi rahbariyati Eron Milliy paralimpiya qoʻmitasi bilan hamkorlikning umumiy yoʻnalishlarini oʻrganish va qoʻshma hamkorlik boʻyicha oʻzaro anglashuv memorandumini imzolash maqsadida Tehronga bordi. Bu haqda O'zbekiston Sport vazirligi matbuot xizmati xabar qildi.
Qayd etilishicha, delegatsiya aʼzolari Eron Milliy paralimpiya qoʻmitasi vitse-prezidenti Sayid Muhammad Poladgaran bilan uchrashdi.
Uchrashuv davomida ikki davlat oʻrtasida menejment sohalarida tajriba almashish, oʻquv-mashgʻulot yigʻinlari va qoʻshma sport musobaqalarini oʻtkazish, ayollar sportini rivojlantirish, taʼlim dasturlari almashinuvi kabi yoʻnalishlarda hamkorlik qilishga kelishib olindi.
