Filippinning Manila shahrida suv sporti turlari bo‘yicha Osiyo chempionati bahslari davom etmoqda. Chempionat doirasida suv polosi bo‘yicha musobaqalar boshlandi.
Unda erkaklar o‘rtasidagi bellashuvlarda O‘zbekiston terma jamoasi musobaqani g‘alaba bilan boshladi. Suv polochilarimiz “A” guruhidagi dastlabki uchrashuvni Saudiya Arabistoni terma jamoasiga qarshi o‘tkazib, yakunda 14:10 hisobida g‘alaba qozondi. Endi vakillarimiz ertaga ikkinchi turda Tailand terma jamoasiga qarshi bahs olib boradi.
Maʼlumot uchun, Osiyo chempionatida jami 10 ta terma jamoa ikki guruhga bo‘lingan holda raqobatlashmoqda. O‘zbekiston terma jamoasi “A” guruhida Saudiya Arabistoni, Tailand, Yaponiya va Xitoy terma jamoalariga qarshi kurash olib boradi.
