Xalqaro kurash assosiatsiyasi (IKA) 2023 yilgi sport mavsumini sarhisob qilish asnosida yilning eng yaxshi sportchilari nomini e’lon qildi.
Unga ko‘ra, kurash bo‘yicha jahon va qit’a o‘yinlari g‘olibi bo‘lgan hamyurtimiz Muhsin Hisomiddinov 2023 yilning eng yaxshi sportchisi, deya e’tirof etildi.
Aytish lozim, hamyurtimiz Muhsin Hisomiddinov joriy yil davomida O‘zbekiston Respublikasi Prezidenti sovrini uchun tashkil etilgan “World Series Pro“ xalqaro turniri finalida ham g‘oliblikka erishdi.
2023 yilning eng yaxshi ayol kurashchisi nomiga esa Dominikan Respublikasi vakili, kurash bo‘yicha jahon chempioni, “World Series Pro“ xalqaro turniri sovrindori Audrey Arelis sazovor bo‘ldi.
