IBF tashkiloti superog‘ir vazn toifasidagi yana bir muhim jangni anons qildi.
Unda Martin Bakole (21-1, 16 KO) va Agit Kabayel (25-0, 17 KO) o‘zaro ringda to‘qnash keladi. Ushbu jang uchun 5-noyabrga qadar muzoakara o‘tkazish vaqtini belgiladi. Jang IBF yo‘nalishi superog‘ir vazn toifasida jahon chempioni Daniel Dyubuaning navbatdagi majburiy raqibini aniqlash uchun yakuniy Eliminator bo‘lib xizmat qiladi.
Xabaringiz bor, ushbu vazn toifasida Bahodir Jalolov ham o‘z janglarini o‘tkazib kelmoqda. Ammo charm qo‘lqop ustamiz hozircha tashkilot reytingidan o‘rin olmagan.
