Qozog‘istonda tennis bo‘yicha xotin-qizlar o‘rtasida o‘tkazilgan “KAZZINC OPEN” xalqaro turnirining juftlik bahslarida hamyurtimiz Darya Shubina vitse-chempionga aylandi.
Darya Shubina juftliklar o‘rtasida neytral tennischi Varvara Panshina bilan tandem hosil qildi va finalga qadar o‘tkazilgan barcha bahslarda zafar quchdi. Afsuski, ular so‘nggi hal qiluvchi final o‘yinida neytral tennischilar Aglaya Fedorova hamda Darya Xomutsianskayaga imkoniyatni boy berib qo‘ydi.
Shu tariqa, nufuzli musobaqada ikkinchi bo‘lgan D.Shubina va V.Panshina 515 AQSH dollari pul mukofoti va 10 reyting ochkosi bilan taqdirlandi.
