Chirchiq olimpiya va paralimpiya sport turlariga tayyorlash markazida oʻsmirlar oʻrtasida Oʻzbekiston chempionati boʻlib oʻtdi. Mazkur chempionat Chirchiq shahrining 90 yilligiga bagʻishlandi va belbogʻli kurash boʻyicha "Chirchiq shahar hokimi kubogi" uchun ham bellashuvlar tashkil etildi.
Musobaqada Toshkent viloyati, Qoraqalpogʻiston Respublikasi, Toshkent shahri va barcha viloyatlardan jam boʻlgan 400 nafardan ortiq yosh polvonlar belbogʻli kurashning erkin va klassik yoʻnalishida chempionlik uchun kuch sinashishdi.
Ikki kun davom etgan chempionatda viloyatlardan kelgan yosh sportchilar oʻz vazn toifasida chempionlikni qo'lga kiritdi. Gʻolib va sovrindorlar diplom, medal va esdalik sovgʻalari bilan taqdirlandi.
