Professional bokschi, katta leytenant Bektemir Meliqo‘ziyevning harbiy unvoni bir pog‘onaga ko‘tarildi. Bu haqda O‘zbekiston professional boks federatsiyasi xabar qildi.
Mudofaa vazirining Tarbiyaviy va mafkuraviy ishlar bo‘yicha o‘rinbosarining buyrug‘iga binoan Bektemir Meliqo‘ziyevga "Kapitan" harbiy unvoni berildi.
Eslatib o‘tamiz, Meliqo‘ziyev so‘nggi jangini 2023-yilning oktyabr oyida Alantes Foksga qarshi o‘tkazib, 4-raundda texnik nokaut evaziga g‘alaba qozongandi.
