O‘zbekistonlik superog‘ir vazn toifasidagi bokschi Baxodir Jalolovning (15-0, 14 KO) navbatdagi jang sanasi ma’lum bo‘ldi. Bu haqda “Top rank” xabar beradi.
Ma’lum bo‘lishicha, Jalolov AQSHning Nyu-York shahridagi mashhur “Medison Skver Garden”ning kichik arenasi – Madison Square Theater’da italiyalik Janmarko Kardilloga (12-1-2, 2 KO) qarshi ringga chiqadi.
Jang joriy yilning 26 iyul kuni (O‘zbekiston vaqti bilan 27 iyul tongida) bo‘lib o‘tadi. Jang 10 raundga mo‘ljallangan.
