Superog‘ir vazn toifasidagi bokschi Bahodir Jalolov Butunjahon boks kengashi (WBC) tomonidan istiqbolli bokschi nominatsiyasida nomzodlar qatoriga kiritildi. Bu haqda tashkilot o‘z rasmiy sahifasida ma’lum qildi.
Mazkur nominatsiya yil davomida o‘z iste’dodini ko‘rsatib, katta o‘sishga erishgan bokschilarga taqdim etiladi.
Bahodir Jalolovdan tashqari ushbu sovrin uchun irlandiyalik Kallum Valsh, meksikalik Xose Salas, amerikalik Richard Torres va Floyd Shofiyeld hamda Gvatemala vakili Lester Martinez da’vogarlik qilmoqda.
Gʻolib sportchi nomi ovoz berish yo‘li bilan aniqlanadi. Hozirda WBC'ning Instagram sahifasida ovoz berish jarayoni ketmoqda.
“Har yili minglab iste’dodlar o‘z qobiliyatlarini namoyish etishadi va ulardan bittasini tanlash juda ham mushkul ish. Bu bizning yakuniy olti bokschimiz. Siz ulardan birini tanlashingiz mumkin", - deyiladi tashkilot xabarida.
