Saudiya Arabistoni poytaxti Ar-Riyod shahrida Osiyo Paralimpiya qo‘mitasining (APC) 2023-yil sarhisobi bo‘yicha eng munosiblarni taqdirlash marosimi bo‘lib o‘tdi.
Unda Osiyo Paralimpiya qo‘mitasi vitse-prezidenti – O‘zbekiston Milliy paralimpiya qo‘mitasi raisi Muxtorxon Tashxodjayevning yurtimizda va Osiyo qitʼasida Paralimpiya harakatini rivojlantirishda qo‘shayotgan xizmatlari munosib baholandi va tashkilotning maxsus ordeni bilan taqdirlandi.
Yana bir ahamiyatli jihati, para yengil atletika bo‘yicha Tokio-2020 yozgi Paralimpiya o‘yinlari sovrindori, jahon chempioni, Xanchjou-2022 Para Osiyo o‘yinlari g‘olibi Asila Mirzayorova esa qitʼaning “Eng yaxshi ayol para atleti”degan sharafli nomga sazovor bo‘ldi.
