Amerikalik tennischi, dunyoning ikkinchi raqamli tennischisi Kori Gauff Parijdagi Olimpiada turnirining chorak finaliga chiqa olmadi.
Turnirda ikkinchi raqam ostida saralangan 20 yoshli Gauff uchinchi bosqichda dunyoning 21-raqami xorvatiyalik Donna Vekichga 6:7 (7:9), 2:6 hisobida imkoniyatni boy berdi.
Vekichning navbatdagi raqibi Mariya Sakkari (Gretsiya) – Marta Kostyuk (Ukraina) juftligi g‘olibi bo‘ladi.
Gauff 2023-yilgi US Open chempioni. Parij Olimpiadasining ochilish marosimida u va basketbolchi LeBron Jeyms AQSh terma jamoasining bayroqdori bo'lishdi.
3-avgust kuni tennis bo‘yicha ayollar o‘rtasidagi olimpiya turniri yakunlanadi.
