Toshkent viloyati Bekobod tumani tibbiyot birlashmasida kichik tibbiyot xodimi bo‘lib ishlagan 1984 yilda tug‘ilgan ayol o‘z erini qasddan o‘ldirgan.
Aniqlanishicha, er-xotin o‘rtasida doimiy oilaviy nizolar bo‘lib kelgan. Qotillik sodir bo‘lgan kun ham eri ayolga “pechka”ni nega yoqib o‘tirganligini aytib, sochidan tortib, urgan. Eri bilan hayotining ko‘p qismini kaltaklar va janjallarda o‘tkazgan ayolga hattoki “himoya orderi” ham berilgan.
Ayol dastlab aybini tan olmasdan, ishdan kelganida eri o‘zini pichoqlab qo‘yganini aytgan. Biroq qotil ayolning o‘zi bo‘lib chiqqan.
Ayol erining chap ko‘ksiga pichoq bilan urgan va pichoqni yuvib erining qo‘liga tutqazib qo‘ygan.
Mazkur holat yuzasidan sud ishi JIB Bekobod tumani sudida ko‘rib chiqildi.
Sud hukmiga ko‘ra, ayol JKning 97-moddasi 1-qismida nazara tutgan jinoyatni sodir etganlikda aybdor deb topilib, 57-moddasini qo‘llab, ayolga nisbatan 6,6 yilga ozodlikdan mahrum qilish jazosi tayinlandi.
