Joriy yilning 14-dekabr kuni O‘zbekiston Milliy media birlashmasining 20 yilligini nishonlash va jurnalistika sohasida ilk bor tashkil etilgan "Renessans" milliy mukofoti g‘oliblarini taqdirlash marosimi bo‘lib o‘tdi.
Unda bir qator teleradiokanallarning muxbir va jurnalistlariga "Renessans" milliy mukofoti topshirildi. Taqdirlanganlar orasida bizning hamkasbimiz, UzReport TV jurnalisti Nigora Hasanovaning ham borligi telekanalimiz uchun bir yutuq bo'ldi.
Nigora Hasanova “Gender tenglik munosabatlarini yoritish bo’yicha eng yaxshi jurnalist” nominatsiyasida taqdirlandi.
Mukofot Televideniye va radio yo’nalishlarida jami 9 ta nominatsiya bo'yicha topshirildi. Ijtimoiy-siyosiy, axboriy, madaniy-ma’rifiy, ekologiya, gender tenglik munosabatlari hamda hududiy masalalarni yoritishda faol bo’lgan telejurnalistlar tegishli nominatsiyalar bo’yicha g’oliblikni qo’lga kiritdilar.
G’oliblarga statuetka, diplom va 50 mln so’m pul mukofoti berildi.
