IIV JXD YHXXning bergan ma’lumotiga ko‘ra, "Qamchiq" dovonida Shacman yonib ketishi natijasida haydovchi va yo‘lovchi vafot etdi.
Hodisa 9-yanvar kuni soat 20:30 larda Namangan viloyatining Pop tumani hududidan o‘tuvchi A-373 avtomobil yo‘lining 225-kilometrida sodir bo‘lgan.
Ma’lum qilinishicha, "Vodiy-Toshkent" yo‘nalishida harakatlanib kelayotgan Shacman rusumli yuk avtomobili haydovchisi, 1988-yilda tug‘ilgan N.I. tezlikni oshirganligi sababli rul boshqaruvini yo‘qotgan. Natijada, yo‘lni ikkiga ajratib turuvchi temir to‘siqqa urilib, ag‘darilgan. Buning oqibatida, transport vositasida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Hodisa natijasida haydovchi N.I. va yo‘lovchisi olgan tan jarohatlari tufayli voqea joyida vafot etgan.
Hozirda ushbu YTH yuzasidan surishtiruv ishlari olib borilmoqda.
