Qirg‘izistondan O‘zbekistonga noqonuniy ravishda ot haydab o‘tishga urinish to‘xtatildi. Bu haqda “AKIpress” xabar berdi.
Ma’lum qilinishicha, 7-yanvar kuni Jalolobodning Aqsi tumanidagi Sog‘ot qishlog‘ida yashovchi 1999-yilda tug‘ilgan shaxs “Ola buqa” chegara otryadi harbiylari tomonidan qo‘lga olingan.
Qirg‘iziston fuqarosi 3 ta otni O‘zbekistonga noqonuniy olib o‘tmoqchi bo‘lgan.
Shuningdek, bir kun avval Jalolobod viloyatining Nooken tumanidagi chegarachilar O‘zbekistondan Qirg‘iziston chegarasini noqonuniy kesib o‘tgan noma’lum fuqaroni payqab qolgan.
Qoidabuzarni qo‘lga olish chog‘ida chegara posbonlari tashlab ketilgan ikkita sumka ichidan dori vositalarini topgan. Erkakning o‘zi Qirg‘iziston hududiga kirib, g‘oyib bo‘lgan. Hozirda kontrabandachini qidirish ishlari davom etmoqda.Dastlabki ma’lumotlarga ko‘ra, kontrabanda mahsulotlarining umumiy qiymati 700 ming somdan ortiqni tashkil qilgan.
