Respublika shoshilinch tibbiy yordam ilmiy markazi Qashqadaryo filialida yana 3 nafar bemorda ishlab turgan yurakda noyob kardiologik operatsiyalar bajarildi.
Qarshi tumanilik 52 yoshli ayol M. M. da "Mammar-koronar shuntlash. 1 shunt", Qamashi tumanilik 65 yoshli ayol N.M.da "Aorta-koronar shuntlash. 2 shunt" operatsiyalari muvaffaqiyatli oʻtkazildi.
Qarshi tumanilik 67 yoshli erkak R.F.da esa jarayon ancha murakkabroq kechdi. Unda "Oʻng tomon ichki uyqu arteriyasi endarektomiyasi" deb nomlangan noyob jarrohlik amaliyoti oʻtkazildi. Bu operatsiya bosh miyani qon bilan taʼminlovchi uyqu arteriyalari 70 foizga va undan koʻproq torayganda va bosh miyada ishemik insult rivojlanish xavfi yuqori bulgan vaqtda bajarilishi bilan ahamiyatlidir.
Operatsiyalar markaz va filial kardiojarrohlari tomonidan amalga oshirildi. Ayni paytda bemorlarning ahvoli yaxshi.
