• 16 декабря 2024 в 22:30
  • 0
  • 0

Prezident Boʻstonliq tumanida qurilishi moʻljallangan xalqaro turizm markazi taqdimoti bilan tanishdi

Prezident Shavkat Mirziyoyev Toshkent viloyati Bo‘stonliq tumanida qurilishi mo‘ljallangan xalqaro turizm markazi taqdimoti bilan tanishdi.

Dunyo bilan aloqalar kengayib, infratuzilma rivojlangani sari mamlakatimizning turizm salohiyati ham oshmoqda. Shunday jozibador maskanlardan biri, shubhasiz, Bo‘stonliq tumani. Chorvoq suv ombori va daryolari, qorli tog‘lari, xushmanzara daraxtzorlari bois u yerda yilning barcha faslida maroqli hordiq chiqarish mumkin.

Davlatimiz e’tibori bilan so‘nggi yillarda Bo‘stonliqda ko‘plab yangi majmualar barpo etildi, Amirsoy, “Beldirsoy-Chimyon-Nanay” kurorti kabi loyihalar amalga oshirildi. Xususan, so‘nggi besh yilda 2 trillion so‘mdan ziyod investitsiya kiritilib, 13 mingdan ziyod o‘ringa ega 59 ta yangi turizm inshooti ishga tushirildi.

Bunday natijalar chet ellik investorlarni o‘ziga tortmoqda, yanada katta miqyosdagi loyihalarga yo‘l ochmoqda. Jumladan, ozarbayjonlik ishbilarmon Emin Agalarov bir qator yirik xorijiy kompaniyalar bilan sheriklikda Chorvoq suv ombori bo‘yida “Sea Breeze Uzbekistan” xalqaro turizm markazi barpo etish istagini bildirmoqda.

Loyihaga ko‘ra, unda dam olish, cho‘milish va sport maskanlari, mehmonxonalar, kottejlar, turar joylar bo‘ladi. Xalqaro brendlarning do‘konlari, restoran va xizmat shoxobchalari ochiladi. Turli festivallar, konsertlar va boshqa madaniy tadbirlar o‘tkaziladi. Ikki qirg‘oq o‘rtasida ko‘prik qurilib, keluvchilarga qulaylik oshiriladi. Kelajakda o‘ziga xos turizm xabiga aylanib, unda yil davomida dam olish va yashash mumkin bo‘ladi.

Davlatimiz rahbari bu taklifni ma’qullab, uni xalqaro tajriba asosida loyihalashtirish va bosqichma-bosqich qurish zarurligini ta’kidladi. Bosh vazir boshchiligida komissiya tuzib, loyihaning huquqiy asosini yaratish, infratuzilma masalalarini hal etish bo‘yicha ko‘rsatmalar berdi.


По материалам: uzreport.news

Комментарии

Вам следует зарегистрироваться и войти в свой аккаунт, чтобы иметь возможность комментировать.

    Голосование
    Интересное
    В Бишкеке прошла межведомственная встреча по усилению борьбы с киберпреступлениями
      09 апреля 2025 в 11:10   Кыргызстан
    Айбек Джунушалиев проинспектировал территорию ТРК «Ош базары»
      вчера в 11:10   Кыргызстан
    Futbol hakamlari akademiyasi tashkil etiladi
      08 апреля 2025 в 17:50   Узбекистан
    AQSH O‘zbekistonga noqonuniy immigratsiyaga qarshi kurashdagi hamkorlik uchun minnatdorlik bildirdi
      08 апреля 2025 в 23:05   Узбекистан
    В Бишкеке начали цвести первые тюльпаны
      08 апреля 2025 в 15:10   Кыргызстан
    O‘zbekiston va Xitoy: parlamentlararo hamkorlik istiqbollari muhokama qilindi
      09 апреля 2025 в 23:05   Узбекистан
    Состоится научно-теоретическая конференция, посвященная Международному дню памятников и исторических мест
      08 апреля 2025 в 13:55   Таджикистан
    Депутат Талайбек Масабиров встретился со спикером Палаты представителей парламента Японии
      08 апреля 2025 в 13:40   Кыргызстан
    Таджикистан и Евразийский банк развития расширяют сотрудничество в рамках реализующихся проектов
      08 апреля 2025 в 21:50   Таджикистан
    O‘zbekiston yanvar-fevral oylarida gazning sof eksportchisiga aylandi
      08 апреля 2025 в 22:10   Узбекистан