O‘zbekiston Iqtisodiyot va moliya vazirligi «Tashabbusli byudjet» doirasida ovoz berish bilan bog‘liq firibgarlik holatlari haqida ogohlantirdi. Ijtimoiy tarmoqlarda norasmiy Telegram botlar orqali fuqarolarga ovoz berish evaziga pul mukofotlari taklif qilinmoqda.
Biroq, vazirlik taʼkidlashicha, amalda vaʼda qilingan mablag‘lar to‘lanmayapti. Bunday holatlar bo‘yicha fuqarolar tomonidan vazirlikka yuzlab murojaatlar kelib tushmoqda.
«Ushbu holatlarda uchinchi shaxslar loyihalarga ovoz to‘plash maqsadida pul mablag‘lari yoki moddiy qiymatliklar vaʼda qilgan holda fuqarolardan ovoz to‘plab, keyinchalik mukofotlarni bermaydi», — deyiladi xabarda.
