Ijtimoiy tarmoqlarda farg‘onalik o‘qituvchi qarzdorlik sabab kaltaklangani haqidagi videoxabar tarqaldi. Holat yuzasidan viloyat Ichki ishlar boshqarmasi munosabat bildirdi.
Qayd etilishicha, voqea kecha, 21 oktyabr kuni Dang‘ara tumani “Pishqaron” mahallasida sodir bo‘lgan.
Mazkur mahallada joylashgan baliqxona yonida fuqaro M.M. tanishi D.T (videoxabardagi shaxs) bilan o‘rtalarida bo‘lgan pul oldi-berdisi masalasida o‘zaro gap talashib janjallashib ketgan.
Oqibatda M.M. D.T. ning bosh va yuz qismiga urib, tan jarohati yetkazgan. Hodisa joyiga tuman IIB xodimlari yetib borgan hamda holat tegishli tartibda ro‘yhatga olingan.
Hozirda tegrovga qadar telshiruv harakatlari olib borilayotgani ma’lum qilindi.
“Mazkur holat viloyat IIB rahbariyati tomonidan aloxida nazoratga olingan. Yakuniga ko‘ra qonun ustuvorligi, jazo muqarrarligi ta’minlanadi. Shuningdek, videoxabarda keltirilgan M.M. ning IIO xodimi J.T. ga qarindoshligi aniqlanmadi”, – deyiladi munosabatda.
