Joriy yilning 4-noyabr kuni ijtimoiy tarmoqlarda “Qo‘rg‘ontepada bolalar xo‘rlandi” mavzusida video lavha e’lon qilingan.
Ushbu holat joriy yilning 24-iyul kuni soat 12:05 larda, Andijon viloyati Qo‘rg‘ontepa “Muruvvat” nogironligi bo‘lgan bolalar uchun internat uyining 6-guruhida sodir bo‘lgan.
Hozirda holatga qonuniy baho berish bo‘yicha Agentlikning Andijon viloyati boshqarmasi tomonidan ishchi guruh tuzilib, Qo‘rg‘ontepa tumani prokuraturasi bilan hamkorlikda surishtiruv olib borilmoqda.
Ushbu holat bo‘yicha kerakli choralar ko‘rilmoqda. O‘rganish natijalari bo‘yicha qo‘shimcha ma'lumot taqdim etiladi.
