18-noyabr – O'zbekiston Respublikasining “Davlat bayrog'i to'g'risida”gi Qonuni qabul qilingan kun.
Davlat bayrog'i O'zbekiston Respublikasining 1991-yil 18-noyabrdagi 407-XII-sonli "O'zbekiston Respublikasining Davlat bayrog'i to'g'risida"gi Qonuni bilan tasdiqlangan hamda u O'zbekiston Respublikasi davlat suverenitetining ramzi sanaladi.
U xalqaro munosabatlarda O'zbekiston Respublikasining timsoli bo'ladi.
Bayrog'imiz ham o'zida butun xalqimiz orzu-istaklari, g'ayrati va shijoatini, xalqimizga xos mehmondo'stlik, bag'rikenglikni o'zida mujassam etgan. Milliy bayrog'imizning hilpirab turishi, turli bayramlarda, mamlakatimiz vakillari qatnashayotgan xalqaro miqyosdagi tadbirlarda, nufuzli sport musobaqalarida Vatanimizning sha'ni, xalqimizning g'ururini yorqin aks ettirishi barchamizga iftixor baxsh etadi.
Bayrog'imiz – g'ururimizdir. Davlat ramzimiz bayroq qabul qilingan kun barchamizga muborak. Bayrog'imiz doimo yuksaklarda mag'rur hilpirayversin!
