Yevropa tiklanish va taraqqiyot banki (YETTB) prezidenti Odil Reno-Basso 2024-yilning 2-3-may kunlari O‘zbekistonga tashrif buyurib, yuqori martabali hukumat vakillari va xorijiy investorlar bilan uchrashadi.
YETTB prezidenti ikki kunlik dasturi doirasida Shavkat Mirziyoyev bilan uchrashadi, shuningdek, bosh vazir o‘rinbosari Jamshid Xodjayev va bosh vazir o‘rinbosari, iqtisodiyot va moliya vaziri Jamshid Qo‘chqorov bilan ikki tomonlama uchrashuvlar o‘tkazadi.
U, shuningdek, Xorijiy investorlar kengashining 2-yalpi majlisiga hamraislik qiladi, Toshkent xalqaro investitsiya forumida nutq so‘zlaydi.
Ushbu kelishuvlar doirasida Reno-Basso O‘zbekistonning iqlim o‘zgarishlariga suv va issiqlik taʼsirining kuchayishi nuqtai nazaridan yana-da chidamliligi muhimligi, islohotlar orqali mamlakatda ishbilarmonlik muhitini yana-da yaxshilash zarurati, mintaqalararo bog‘liqlik, energiya xavfsizligi va mamlakat iqtisodiyotini diversifikatsiya qilish masalalariga to‘xtalib o‘tadi, deyiladi xabarda.
Uning tashrifi davomida bank barqaror transport aloqalarini rivojlantirish va yoshlar tadbirkorligini qo‘llab-quvvatlashga qaratilgan bir qancha loyihalarni imzolashni rejalashtirmoqda.
