Ichki ishlar vazirining ishtirokida xalq deputatlari Andijon viloyati Kengashining navbatdan tashqari sessiyasi tashkil etildi.
Tadbirda viloyat hokimi, Kengash aʼzolari, jamoatchilik faollari va hamkor tashkilotlarning masʼul xodimlari, shuningdek viloyatning huquqni muhofaza qiluvchi organlari rahbarlari ishtirok etishdi.
Sessiyaning asosiy kun tartibiga koʻra, tashkiliy masala koʻrib chiqildi. Ichki ishlar vazirining buyrugʻiga asosan, Sirdaryo viloyati Ichki ishlar boshqarmasi boshligʻi sifatida faoliyat koʻrsatgan polkovnik Sanjar Djabarov Andijon viloyati Ichki ishlar boshqarmasi boshligʻi lavozimiga tayinlandi.
Majlis davomida Oʻzbekiston Respublikasi Prezidentining sohaga oid qaror va topshiriqlarining ijrosi, shuningdek, Andijon viloyatida oʻtgan yilda jinoyatchilikka qarshi kurashish, jamoat xavfsizligini taʼminlash, huquqbuzarliklarni barvaqt oldini olish, shuningdek xizmat intizomini mustahkamlash, qonuniylikni rioya qilish borasida amalga oshirilgan ishlarning samaradorligi tanqidiy muhokama qilindi.
Sessiyada koʻtarilgan masalalar boʻyicha soha mutaxassislari tomonidan turli taklif va mulohazalar bildirildi, aniqlangan muammolarni hal qilish va omillarni bartaraf etish uchun masʼullarga tegishli topshiriqlar berildi.
