• 07 июня 2024 в 23:05
  • 7
  • 0

Prezident Shavkat Mirziyoyev Yashnobod tumani Dilbog‘ mahallasidagi futbol akademiyasida bo‘ldi

Prezident Shavkat Mirziyoyev poytaxtning Yashnobod tumanidagi Dilbog‘ mahallasida bo‘lib, aholi turmush sharoiti bilan yaqindan tanishdi.

Mahallada 5 ming 200 nafardan ortiq aholi yashaydi. 26 ta ko‘p qavatli uy, maktab va bog‘chalar, savdo shoxobchalari  atrofi obod qilingan.

Yurtimizda har bir mahalla ixtisoslashuvidan kelib chiqib rivojlantirilmoqda. Dilbog‘liklar asosan tadbirkorlik va hunarmandlik bilan shug‘ullanadi. 15 ta savdo va xizmat ko‘rsatish shoxobchasi, bitta ishlab chiqarish korxonasi, ta’lim muassasalarida aholi doimiy ish bilan band.

O‘tgan yili aholini tadbirkorlikka jalb qilish uchun 13 ta loyihaga kredit ajratilgan. 300 ga yaqin fuqaro yangi ishga joylashtirilgan. Yoshlarni kasbga o‘rgatish uchun monomarkaz tashkil etilgan.

Davlat rahbari mahalladagi qurilish va obodonlashtirish ishlarini ko‘zdan kechirdi.

O‘zbekiston Futbol assotsiatsiyasi huzuridagi Toshkent shahar futbol akademiyasi shu mahallada joylashgan. Zamonaviy majmuada yopiq va ochiq sport maydonlari, nazariy mashg‘ulot xonalari, yotoqxona, oshxona va kutubxona mavjud. Hozir bu yerda 12 yoshdan 18 yoshgacha bo‘lgan 154 nafar bola saboq olmoqda. Mashg‘ulotlarga chet ellik mutaxassislar ham jalb qilingan. Stadionlar yoritish va tasvirga olish qurilmalari bilan jihozlangan.

Prezident akademiya tarbiyalanuvchilari va sport sohasi mas’ullari bilan suhbatlashdi.

– Futbol bo‘yicha qarorlarimiz, iqtidorli bolalarga e’tibor berganimiz tufayli o‘zbek futboli ham jahonga chiqa boshladi. Yevropa jamoalarida legionerlarimiz ko‘payyapti. Yoshlarimiz Olimpiadaga yo‘llanma oldi. Bu davomiy bo‘lishi uchun endi mahallalarda futbolni rivojlantirish kerak. Qo‘shimcha stadionlar qurib, uning ommaviyligini qo‘llab-quvvatlash zarur, – dedi Shavkat Mirziyoyev.

Shu mahalladagi suv sporti saroyining ta’miri ham ko‘zdan kechirildi. Uni davlat-xususiy sheriklik asosida barqaror ishlatish bo‘yicha ko‘rsatma berildi.


По материалам: uzreport.news

Комментарии

Вам следует зарегистрироваться и войти в свой аккаунт, чтобы иметь возможность комментировать.

    Голосование
    Интересное
    Адылбек Касымалиев принял участие в церемонии передачи автомобилей МВД и награждении сотрудников МЧС
      16 сентября 2025 в 15:10   Кыргызстан
    Bo‘stonliqda yana bir umummavsumiy kurort
      15 сентября 2025 в 23:05   Узбекистан
    Boks boʻyicha Oʻzbekiston terma jamoasi jahon chempionatida 11 ta medalga ega chiqdi
      15 сентября 2025 в 17:50   Узбекистан
    Адылбек Касымалиев принял Генерального секретаря ОТГ
      вчера в 17:40   Кыргызстан
    O‘zbekiston Yaqin Sharqdagi harbiy tajovuzni qoraladi
      16 сентября 2025 в 23:05   Узбекистан
    Бакыт Торобаев провел совещание по реализации проекта строительства железной дороги Китай–Кыргызстан–Узбекистан
      16 сентября 2025 в 12:55   Кыргызстан
    Namanganda tikilgan kiyimlar jahon bozorlarida sotilmoqda
      вчера в 23:05   Узбекистан
    МВД Кыргызстана и Саудовской Аравии обсудили расширение сотрудничества в сфере безопасности
      вчера в 15:10   Кыргызстан
    В Бишкеке прошло открытие X Международного театрального фестиваля малых форм «IMPULSE»
      вчера в 12:10   Кыргызстан
    В Бишкеке пройдет забег «Bishkek Snow Leopard Run 2025»
      сегодня в 11:10   Кыргызстан