Oliy Majlis Senati Raisi Tanzila Narbayeva Butunxitoy xalq vakillari kengashi doimiy qo‘mitasi raisi o‘rinbosari Losang Gyalsen bilan uchrashdi. Uchrashuv Xitoy delegatsiyasining O‘zbekistonga tashrifi doirasida bo‘lib o‘tdi.
Suhbat davomida ikki mamlakat parlamentlari o‘rtasidagi hamkorlik chuqur va o‘zaro manfaatli sheriklikning asosi sifatidagi muhimligi taʼkidlandi. So‘nggi yillarda bu borada faollik kuzatilayotgani, hamkorlikni amaliy loyihalar bilan yana-da boyitish zarurligiga eʼtibor qaratildi.
Qo‘shma tashabbuslar, shu jumladan, O‘zbekiston Oliy Majlisi Senati va Butunxitoy xalq vakillari kengashi o‘rtasida hamkorlik bo‘yicha parlamentlararo komissiya tuzish masalasi ko‘rib chiqildi.
Uchrashuvda oliy darajada erishilgan kelishuvlar ijrosi ustidan qo‘shma parlament nazoratini faollashtirish, shuningdek, “yashil” iqtisodiyot va korrupsiyaga qarshi kurashish masalalari bo‘yicha amaliy seminarlar o‘tkazish taklif qilindi.
