• вчера в 23:05
  • 23
  • 0

O‘zbekiston prezidenti G‘alabaning 80 yilligiga bag‘ishlangan tantanali tadbirlarda ishtirok etdi

Prezident Shavkat Mirziyoyev Rossiya Federatsiyasi Prezidenti Vladimir Putinning taklifiga binoan 9-may kuni Ikkinchi jahon urushidagi G‘alabaning 80 yilligiga bag‘ishlangan tantanali tadbirlarda ishtirok etdi.

Qizil maydonda G‘alaba paradi bo‘lib o‘tdi. Tadbirda Xitoy Raisi Si Szinpin, Braziliya Prezidenti Lula da Silva, Misr Prezidenti Abdulfattoh as-Sisi, Belarus Prezidenti Aleksandr Lukashenko, Qozog‘iston Prezidenti Qasim-Jomart Toqayev, Qirg‘iziston Prezidenti Sadir Japarov, Tojikiston Prezidenti Emomali Rahmon, Turkmaniston Prezidenti Serdar Berdimuhamedov, Mo‘g‘uliston Prezidenti Uxnaagiyn Xurelsux, Kuba Prezidenti Migel Dias-Kanel, Venesuela Prezidenti Nikolas Maduro va boshqalar ham qatnashdi.

Ikkinchi jahon urushidagi g‘alaba millionlab insonlarning jasorati, matonati va fidoyiligi natijasidir. Bu ulug‘ maqsadga erishishda O‘zbekiston xalqining ham salmoqli hissasi bor.

Urush boshlangan paytda respublikamiz aholisi 6 million nafardan ziyod edi. Urush yillarida ikki millionga yaqin o‘zbekistonlik frontga jo‘natildi. 538 mingdan ziyod kishi jang maydonlarida halok bo‘ldi, 158 mingdan ortig‘i bedarak yo‘qoldi.

Ko‘rsatgan mardligi va jasorati uchun O‘zbekistondan 214 mingdan ziyod askar va ofitser jangovar orden va medallar bilan taqdirlandi. Vatandoshlarimizdan 301 kishi Sovet Ittifoqi Qahramoni unvoniga sazovor bo‘ldi, yana 70 kishi "Shuhrat" ordenining barcha darajalari sohibi bo‘ldi.

O‘zbek xalqi mehnat borasida ham ulkan jasorat ko‘rsatdi. Mamlakatimiz frontning ishonchli tayanchiga aylandi: bu yerdan oziq-ovqat, kiyim-kechak, dori-darmon, qurol-yarog‘ va boshqa zarur resurslar uzluksiz jo‘natib turildi. Qisqa muddatda O‘zbekiston hududida 170 dan ortiq evakuatsiya qilingan korxonalar joylashtirilgani mudofaa sanoatining uzilishlarsiz ishlashini ta’minladi.

O‘sha og‘ir yillarda O‘zbekiston xalqi yuksak insonparvarlik namunasini ko‘rsatib, frontoldi hududlaridan evakuatsiya qilingan 1,5 milliondan ortiq kishini, jumladan, 250 mingdan ziyod yetim bolalarni qabul qildi.

O‘zbek xalqining urush yillaridagi jasorati xalqaro hamjamiyatda keng e’tirof etilmoqda.

Mamlakatimizda ham urush va mehnat fronti qatnashchilarining xotirasini abadiylashtirish, faxriylarni ijtimoiy qo‘llab-quvvatlashga alohida e’tibor qaratilmoqda. Toshkentda ulug‘vor "G‘alaba bog‘i" yodgorlik majmuasi barpo etildi.

G‘alaba paradi yakunida O‘zbekiston Prezidenti Shavkat Mirziyoyev Rossiya Federatsiyasi Prezidenti Vladimir Putin va boshqa davlat rahbarlari bilan birgalikda Aleksandr bog‘idagi Noma’lum askar qabriga gul qo‘ydi.

Ushbu yodgorlik g‘alaba yo‘lida mislsiz jasorat ko‘rsatgan va jon fido qilgan millionlab jangchilar, jumladan, O‘zbekiston farzandlari xotirasiga o‘rnatilgan.

Marosim bir daqiqalik sukut hamda faxriy qorovul va harbiy orkestrning tantanali yurishi bilan yakunlandi.


По материалам: uzreport.news

Комментарии

Вам следует зарегистрироваться и войти в свой аккаунт, чтобы иметь возможность комментировать.

    Голосование
    Интересное
    В Хатлонской области выявили образцовые семьи
      08 мая 2025 в 22:50   Таджикистан
    Nodirbek Abdusattorov sovrin jamg‘armasi 350 ming dollar bo‘lgan turnirda ishtirok etadi
      07 мая 2025 в 17:50   Узбекистан
    Садыр Жапаров принял участие в военном параде, посвящённом 80-летию Победы в Великой Отечественной войне
      08 мая 2025 в 13:40   Кыргызстан
    Ramazon Temirovning qozog‘istonlik sportchiga qarshi jangi tasdiqlandi
      08 мая 2025 в 17:51   Узбекистан
    O‘zbekiston prezidenti G‘alabaning 80 yilligiga bag‘ishlangan tantanali tadbirlarda ishtirok etdi
      вчера в 23:05   Узбекистан
    O‘zbekiston Hindiston va Pokistonni vazminlikka chaqirdi
      07 мая 2025 в 23:05   Узбекистан
    Преподаватели и студенты ОшГУ покорили пик Комсомолец
      08 мая 2025 в 11:10   Кыргызстан
    В Бишкеке прошел гала-концерт и награждение победителей фестиваля-конкурса «Красная гвоздика»
      07 мая 2025 в 16:10   Кыргызстан
    Садыр Жапаров совершит рабочий визит в Россию
      07 мая 2025 в 17:40   Кыргызстан
    Бизнес без посредников. В Таджикистане начало работу представительство крупнейшей немецкой ассоциации
      07 мая 2025 в 21:50   Таджикистан