Oʻzbekiston bosh konsuli Alisher Salomov Birlashgan Arab Amirliklari Tashqi ishlar vazirligining Dubay boʻlimi boshligʻi oʻrinbosari Rashid Abdulla Al Kasir bilan uchrashdi.
Muloqot chogʻida Oʻzbekiston – BAA munosabatlari kun tartibidan oʻrin olgan muhim masalalar muhokama qilindi. Amirlik tomoni Oʻzbekiston bilan faol rivojlanib borayotgan hamkorlikni yuqori baholadi.
Uchrashuv yakunida BAA vakili Alisher Salomovga Oʻzbekistonning Dubaydagi Bosh konsuli lavozimida oʻtkazgan samarali besh yillik faoliyati uchun minnatdorlik bildirdi.
Eslatib oʻtamiz, Alisher Salomov 2019-yil yanvar oyida mamlakatimizning Dubaydagi Bosh konsulligiga rahbar etib tayinlangan edi.