Oksford universitetining “Osiyo va Yaqin Sharq tadqiqotlari” fakultetida endilikda o‘zbek va eski o‘zbek tillari o‘rganiladi, deya ma’lum qildi ayni vaqtda Buyuk Britaniyada bo‘lib turgan Saida Mirziyoyeva.
Oksford universitetiga tashrif vaqti u o‘zbekistonlik ayollarni ruhlantirish va ularning huquq hamda imkoniyatlarini kengaytirish missiyasini amalga oshirishga qo‘shgan hissasi uchun universitet mukofoti bilan taqdirlanibdi, u boshliq delegatsiya esa Mirzo Ulug‘bekning “Ziji Ko‘ragoniy”, Navoiyning “Xamsa”, Husayn Boyqaroning “Devoni Husayniy”, Boburiylar davriga oid miniatyuralar va boshqa ko‘plab nodir kitoblar saqlanayotgan Bodlian kutubxonasi bilan ham tanishibdi.
