Mahmudxo‘jayev Furqat Sidiqxo‘jayevich O‘zbekiston mahallalar uyushmasi Toshkent shahar boshqarmasi boshlig‘i lavozimiga tayinlandi.
Toshkent shahar hokimligi xabariga ko'ra, uzoq yillar davomida davlat va jamiyat boshqaruvi tizimida samarali faoliyat yuritib kelgan Mahmudxo‘jayev Furqat Sidiqxo‘jayevich ushbu lavozimda ish boshladi.
Furqat Mahmudxo‘jayev 1965-yilda Toshkent shahrida tug‘ilgan. 1989-yil Toshkent davlat texnika universitetini tugatgan.
U ko‘p yillar davomida Toshkent shahar Mahallalar kengashi boshqaruvi raisi bo‘lib ishlagan. 2020-yil fevral oyidan hozirgi kunga qadar Toshkent shahar hokimligi Matbuot xizmati rahbari - matbuot kotibi, hokimning axborot siyosati masalalari bo‘yicha maslahatchisi lavozimida samarali faoliyat yuritgan.
