O‘zbekistonda 9 oy ichida qancha go‘sht va kartoshka yetishtirilgani aytildi

2023-yilning yanvar-sentabr oylarida qishloq, o‘rmon va baliqchilik xo‘jaligi mahsulot (xizmat)larining umumiy hajmi 292,7 trln so‘mni tashkil etgan. Ushbu ko‘rsatkich o‘tgan yilga nisbatan 104,1 % yoki mamlakat yalpi ichki mahsulotining 23,7 %ni tashkil etgan. Bu haqda Statistika agentligi tomonidan “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universitetida o‘tkazilgan ochiq muloqotda axborot berildi.

Joriy davrda barcha toifadagi xo‘jaliklar tomonidan yetishtirilgan dehqonchilik mahsulotlari hajmi:

— Donli ekinlar – 7 mln tonna;

— Sabzavotlar – 8,1 mln tonna;

— Kartoshka – 2,7 mln tonna;

— Poliz ekinlari – 1,6 mln tonna;

— Meva va rezavorlar – 2,3 mln tonna;

— Uzum – 1,3 mln tonna. 

Ochiq muloqotda taʼkidlanganidek, 2023-yilning yanvar-sentyabr oylarida O‘zbekistonda barcha toifadagi xo‘jaliklar tomonidan yetishtirilgan chorvachilik mahsulotlari hajmi:

— Go‘sht (tirik vaznda) – 2 mln tonna;

— Sut – 8,6 mln tonna;

— Tuxum – 6,1 mln dona;

— Baliq – 91,2 ming tonna.