Statistik ma’lumotlarga qaraganda, O‘zbekiston piyoz eksporti bo‘yicha dunyo beshligiga kirayotgan yangi davlat hisoblanadi. Bu haqda Qishloq xo'jaligi vazirligi xabar qilmoqda.
O‘tgan mavsum natijalariga ko‘ra, respublika yiliga 250 ming tonnagacha piyoz eksport qiluvchi dunyodagi 10 ta mamlakatdan biriga aylangan edi.
Shu bilan birga, O'zbekistonda piyoz yetishtirish maydonlari va hajmi ham ortib borayotgani hosilga baraka bermoqda.
Ekspertlar joriy yil yakunigacha O‘zbekistonda piyoz eksporti rekord darajaga yetib, birinchi marta 300 ming tonnadan oshishi kutilayotganligini taxmin qilishmoqda.
