21-mart kun bo‘lib o‘tgan savdolarda oltin narxi tarixiy rekordni yangiladi. Comexdagi savdolar ma’lumotlariga ko‘ra, aprel fyucherslari kotirovkalari bir troya unsiyasi uchun $2225 gacha o‘sgan (oldingi sessiya yopilishiga +3 foiz), deb yozdi Reuters.
Toshkent vaqti bilan soat 15:20 da fyuchers qiymati $2212,9 (+1,06 foiz)ni tashkil etdi.
AQSH Federal zaxira tizimi asosiy stavka 2024-yil oxirigacha saqlanib qolishi haqidagi prognozini o‘zgartirmaganidan so‘ng, AQSH dollari va obligatsiyalarning daromadgirligi pasaydi.
FZT 20-mart kuni o‘tgan yig‘ilishida foiz stavkalarini avvalgi — 5,25–5,5 foiz darajasida saqlab qolgandi.
