Markaziy bank 24-dekabrdan boshlab xorijiy valyutalarning o‘zbek so‘miga nisbatan yangi qiymatini belgiladi.
AQSh dollari kursi kunlik savdolar yakuniga ko‘ra 8,93 so‘mga oshib, 12 902 so‘mni tashkil etdi.
Dushanba kuni banklar dollarni 12 830 so‘mdan 12 855 so‘mgacha (Anor Bank) sotib olib, aholiga 12 895 so‘mdan 12 955 so‘mgacha sotdi.
Dekabr oyi boshidan buyon valyuta birjalaridagi savdolar hajmi (valyuta sotib olish va sotish) 2,49 milliard dollarni tashkil etdi, bu noyabrning shu davriga (2,32 milliard dollar) nisbatan 7,2% yoki 167,5 million dollarga ko‘p.
Umuman olganda, yil boshidan buyon so‘m atigi 4,56% — 12338,77 so‘mdan 12902 so‘mga (+563 so‘m) qadrsizlandi. Taqqoslash uchun: 2023-yilning shu davrida devalvatsiya 10,2% ni (+1144,38 so‘m) tashkil qilgandi.
