AQShning Gulf kompaniyasi ikki yil ichida O‘zbekistonda 100 ta “zapravka” ochadi. Bu haqda kompaniya vitse-prezidenti Kreyg Kramer ma’lum qildi.
Unga ko’ra, kompaniya O’zbekistonda quyidagi yo’nalishlarda sarmoya kiritadi:
- G‘arb standartlariga javob beradigan kamida 100 ta yonilg’i quyish shoxobchasini ishga tushirish uchun kamida 150 mln dollar investitsiya kiritiladi;
- Magistral yo‘llar bo‘ylab sayyohlar va tranzit tashuvchilar uchun transport markazlarini tashkil etish rejalashtirilmoqda;
- Ushbu loyihalar har bir obyektda kamida 30 ta yangi ish o‘rni yaratish imkonini beradi. Umumiy hisobda O‘zbekiston fuqarolari uchun 3 mingdan ortiq yangi ish o’rinlari yaratiladi;
- Shuningdek, kompaniya aviatsiya tarmog‘ini xavfsiz va barqaror yonilg‘i bilan ta’minlash uchun taxminan 50 mln dollar sarmoya yo‘naltiradi;
- Kompaniyaning Markaziy Osiyodagi operatsion bazasini Toshkentda joylashtirish rejalashtirilgan.
