Xitoyning “China Comfort Tourism Group” va O‘zbekistonning “Afsona Travel Group” sayyohlik kompaniyalari o‘rtasida hamkorlik yo‘lga qo‘yildi. Hamkorlik Shanxayda tashkil etilgan “O‘zbekiston – Ipak yo‘li durdonasi” turizm targ‘iboti tadbiri doirasida amalga oshirildi.
22-yanvar kuni China Comfort Tourism Group (CCT Group) kompaniyasining Pekindagi shtab-kvartirasida bosh direktorlar Negina Muxtorova va Chjan Nan boshchiligidagi Afsona Travel Group delegatsiyasining uchrashuvi bo‘lib o‘tdi.
Ma’lumot uchun, CCT Group Xitoy davlat korxonasi sifatida O‘zbekiston va Markaziy Osiyoning barcha mamlakatlari bilan turizm sohasida hamkorlikni rivojlantirishga doir loyihalarni amalga oshirmoqda. “Bir kamar, bir yo‘l” tashabbusi doirasida hamkorlikning ishonchli modelini birgalikda yaratish, madaniy almashinuv va turizmni rivojlantirishda tomonlar uchun barcha imkoniyatlar mavjud.
