O‘zbekiston va Qozog‘istonning manul mushugini ko‘chib yuruvchi turlarni saqlash to‘g‘risidagi konvensiyaning 2-ilovasiga kiritish taklifi COP14 qo‘mitasi tomonidan ma’qullandi.
Manul — Osiyoda yashovchi mushuklar oilasiga mansub yirtqich. U Oʻzbekiston Qizil kitobiga va IUCN Qizil roʻyxatiga juda kam uchraydigan hamda kam oʻrganilgan tur sifatida kiritilgan. Oʻzbekistonda XX asr oʻrtalaridan boshlab manul mushugining 10 tadan ortig‘i uchratilmagan.
Bu yovvoyi mushuk dunyodagi eng momiq mushuk hisoblanadi, tez yugurishga moslashmagan, lekin yaxshi niqoblana oladi.
